上次同男朋友食過豬天梯後深深愛上，千辛萬苦搵到間新奇野佢食，重點係我地既flavour 全牛宴😍
同傳統火鍋店一樣有自助醬料區，但其中牛肉汁真心推介，終於唔洗點豉油了😂😂，甜甜地幾好味👍🏼
2個人叫左最貴既牛雜湯底，都係$68 only😂，大路野大腸/牛肚/牛肺，不過最吸引係大量蘿蔔可以索哂湯底😍，可惜蘿蔔上台時係全生無得食住🙄！
每個部份名稱都十分難明，好彩ipad每part都有介紹，店主都好熱心介紹每一款部份同口感，好厲害所有都記得哂👍🏼
我地將所有唔明既都叫左😂，好彩每碟唔貴$4x-6x，份量2個人食都可以接受。
我地差不多所有都試過，最推介:
-是日精選牛腩頭，牛味重，有咬口似食緊牛排，男朋友勁中意，不過實在太飽所以無再encore。
-牛坑爪，老細話係肋骨同肋骨之間既肉肉好考刀功，推介🤤，同牛腩頭差唔多但肉比較軟啲
-牛心椗，牛心既血管，入口爽脆好得意既口感😆。
另一推介牛肉餃，不過入面有芫茜我都係食左1隻，其餘5隻交俾男朋友負責😂，每隻餃都好大隻，不過未知係咪因爲我地太夜凌晨去食所以有一隻皮雪死了少少，但超濃牛味補救得返😜，特別配左個酸酸甜甜既汁，但男朋友建議食原味唔點最好👍🏼
另外點左手工啤係crossover好出名既麥子，上面寫住白老鼠版😂😂。
男朋友表示啤酒淮花味重，中意陣味既人應該好中意飲...
最後勁勁勁飽但都要叫多個烏冬撈湯汁😂，食到人地收舖2點先肯走，埋單最後2個人食左700幾蚊，最緊要男朋友食得開心🤗。
