平成二十二日本料理 (已結業)

上個星期2個人諗唔到食咩，去山林道望吓，見到呢間平成二十二，無食過就試吓啦。入到去先知食放題，食物都幾選擇，環境一般啦。刺身幾新鮮，第一次全部都剔兩份，就係黎足晒，砌得幾靚，但甘蝦實在太細隻，一口氣食四五隻都唔夠。之後每次落ｏｒｄｅｒ，都係照足數量，難得無扮漏單或自行扣數，抵讚。炸物我覺得幾好，尤其係南瓜餅、炸蠔同炸蕃薯，值得一試。但串燒就令人有些小失望，幾鞋口，味道一般。羊鞍好大件，朋友食完羊鞍就被ｋｏ，飽晒，建議唔算大食的人唔好叫，否則食唔落其他食物。服務方面，可能當晚人多，成日都無人主動斟茶。到埋單時，朋友望一望牆上個牌，原來汽水免費，我地兩個傻人居然無叫到。