炑八韓烤 (已結業)

下午茶諗唔到食乜，諗起好耐無食炑八，見到北角呢間炑八無乜人，下午茶又唔太貴，所以入去試下。先黎兩碟好大碟既前菜，粉絲甜甜地，好彈牙。泡菜都好大碟，酸辣味道好醒胃，肚餓既我一口氣就食哂lu！話咁快我點既鐵板泡菜豬肉飯就黎到，熱熱辣出哂煙，香噴噴的確好吸引，泡菜好多，豬肉少到不得了，不過下午茶有咁既質素都算係咁啦。而且飯上面有少少芝士，粟米，混和泡菜既辣香，的確好惹味，如果豬肉可以多少少就100分了。另外加十五蚊就可以多一個小食，我揀左梨汁浸雞翼，有成四隻咁多，不過味道平凡，有d似鹵水雞翼，梨汁味比較少。其實食物都唔錯，不過收銀果個呀嬸黑口黑面有d難頂，過黎點點下餐，我咳左一小餐（我有掩口），佢卻刻彈開十萬里遠，其實果刻都幾難受，覺得佢個人好mean，我明白你好怕病，但可唔可以比少少禮貌，動作需唔需要咁大？其實服務，真係可以影響哂成餐飯個心情。