泰妹餐廳 (The Wave) (已結業)

一直都知道觀塘有個THE WAVE新商場，但就無上過去，因為覺得呢到係畀人上去做健身嘅地方咁（個人奇怪之想XD)，但估唔到自己真係孤陋寡聞，原來上面有咁多餐廳，有咁多選擇，好多多得fd帶我嚟搵嘢食，唔係繼續晌度渾噩。講番正題，睇過咁多間嘢嘅水牌之後，大家一致食泰國嘢，上1樓試泰妹上到嚟見餐廳大約7成坐滿，亦見到試業牌，原來佢地新開無耐。睇過餐牌，價錢方面算係平，50-60蚊一碗粉，但我同朋友今次無叫佢，反而叫多咗無咁飽肚嘅嘢食。幾樣嘢食當中，個人感覺最好食嘅係泰式炒青口，份量方面可接受，青口食落易咬口而入味，煮嘅時間剛剛好，而最出眾嘅係個汁，味道令人醒胃。本身我地叫咗個青咖哩雞配蒜蓉包食，諗住點汁食一流，咁事實上個青咖哩雞味道都唔錯，個汁都幾creamy，雞肉嫰口再配合埋泰式茄子，都幾好味，但後來大家都忍唔住將法包梅花間竹咁點青口汁同青咖哩，因為我地都畀青口個汁吸引咗飽肚嘢食方面揀咗泰式蝦炒金邊粉，金邊粉炒得幾乾新，味道酸酸甜甜，入口不錯；至於香茅雞翼味道感覺算係偏淡咗少少，但滑口無過熟，吃落都唔錯，最終兩個人每人150蚊，加埋青檸梳打又唔洗加一，算係幾抵食，下次再想晌觀塘再食泰國嘢，