川辣皇 (已結業)

根據我身邊既人而自我得出既非正式統計，很多女生都鍾意食辣🫢而且對川辣特別情有獨鍾，我本人就係其中一個。今晚同朋友去完旺角Aeon掃貨，見到新開一段時段呢間川菜，坐位主打卡位，坐得舒服，啱晒我哋一袋二袋。反正我同朋友都好鍾意食辣嘢，於是就入去試試吧！我哋叫咗個二人套餐：🌶️前菜：麻辣粉皮- 用麻辣汁伴隨粉皮，粉皮都幾清爽，餐前小食嘅開胃菜。🌶️小菜：乾煸四季豆 - 有肉碎爆香，四季豆走左油食落去好香，炒得好爽唔會過老。🌶️招牌菜：水煮牛肉 - 牛肉好嫩滑，唔會太肥膩，下邊有少少薯粉同埋芽菜，仲有萵筍，配搭合適。🌶️乾鍋：牛柏葉、豬皮、薯粉 - 自選左呢三個配料，辣椒爆得好香，紅薯粉索滿晒汁。🌶️甜品 ： 紅糖糍粑 - 軟綿綿嘅甜品，配上唔會太甜嘅紅糖汁，作一個完美嘅句號重有白飯 兩個