清真牛肉館 (龍崗道) (已結業)

住左係九龍城十幾年，以前每隔一排一定要黎食個牛肉餅。但自從搬走左之後，好幾年都冇黎到，幾年後既今日再黎到，食唔返以前既味道，有點失望。首先講服務，本來都唔期待有幾周到既服務，但係明明店鋪內有好多空位，由我地坐低到食飽都只係得半滿，都依然要求我地人齊先可以入座，其實都幾唔講合理。伙計係店舖入面不停大聲講大聲笑，其實佢地知唔知咁樣對食客係一種騷擾。再加上，由我地坐低開始，不停係我地旁邊問我地落得單未，又不停推介套餐，都幾係困擾。之後我想講既係上菜速度，我會想用離譜黎形容，由落單到上菜，用左唔洗幾分鐘，你可以話佢好快，但係亦都令我地懷疑，到底有幾多佢係煮定晒炒返熱就拎出黎。我地一行人叫左幾味菜，第一樣當然有招牌既牛肉餅，三分鐘就上菜，一睇見已經有Ｄ失望，個感覺就好似煎完放係暖櫃夾出黎比我地咁。一咬，更失望，皮厚過以前好多，而且皮肉分離，個溫度同個皮有Ｄ分別，我好懷疑會唔會只係用微波爐叮返熱呢。第二樣係麻油雞，雞肉正常，只係個「麻油」醬個顏色好令人不安，好似路吐物既稠度同顏色。。。第三樣係咖哩牛腩飯，個分量。。。飯就多啦，咖哩就好細碟，仲要係好少肉，收我八十蚊，好誇張。。。其他叫左既不過不失，