燒鬼 (已結業)

燒鬼$158+10% 迷你放題~頭盤包一份，可選刺身/海鮮拼盤價錢實惠😋任叫任食60分鐘放題頭盤刺身:三文魚、帶子、北寄貝、甜蝦，整體都幾甜。燒肉:豬、雞、牛、少量內臟，美國牛板腱脂肪分布平均，幾香口，質地淋身。大部分肉類可選醬汁，醬油/仙台/原味，個人比較鍾意醬汁味。豬腩肉都推薦，燒完好香脆，唔會有蘇味。天婦羅:蟹棒、炸蝦、南瓜、芝士年糕，蟹棒、炸蝦都好厚肉，大大件。三文魚味增湯足料，入面有好多豆腐、三文魚🤤落單幾多件，就會比足咁多件，唔會偷偷地比少啲你~店員一開始就會提你落單落多少少，咁就唔使驚去到尾要好耐先有食物，職員有禮。