粵順河鮮酒家 (已結業)

連續二個星期日都係呢到食晚飯，兩次都爆滿，所以場面有d亂，但食品水準竟然都唔錯，都覺得呢到值得推介，印象深d嘅有:欖角蒸魽魚-一份要二百零蚊，但物有所值，非常鮮甜，全枱人都讚好，可惜唔係次次有，第二次去就冇一份份賣，要蒸就要全條要成四百幾蚊，所以冇要到，要咗一份焗魽魚，但食味就始終差一d。龍吐珠:即係蒸鯪魚同炸鯪魚球，另一味值得推介菜式。主要係魚夠新鮮，就自然好食。炸子雞:兩次食水準有d分別，但總嘅嚟講都幾好食，要試。蝦多士:個人覺得比舊店重好，因為唔係太油太燶，炸得剛好。其他小菜都有水準，價錢亦唔係好貴，值得嚟試。