沙查亨餐廳 (已結業)

終於的起心肝去試呢間餐廳，係天水圍踩的士去約$50。一入去以為要講英文，但原來唔使，主持人係一位香港人。佢話佢都係兼職，老闆係巴籍人士，個廚都係。問佢巴菜及印菜嘅分別，佢話宗教上有分別，味道都唔同。叫咗傳統嘅Chicken Tikka及Fish Tikka，個焗爐壞咗，冇Naan，唯有叫Pulloa rice，再叫咗eggplant送飯。Chicken Tikka：都係鐵板上但真係唔同，濕濕地，好惹味，有少少酸添。Fish Tikka：又係鐵板上，好大舊魚，醃得入味，面層醃料香口兼帶少少咸，魚肉有香味兼算新鮮。Pulloa rice：香口，飯粒正宗，帶少少香料及咸味，好食。Eggplant：搗碎矮瓜，多油，好香，好惹味，香料足，送飯一流。整體算好味，會推薦，矮瓜比元朗蓬萊仲要好，但Chicken Tikka及Fish Tikka則較輸蝕，但算唔錯。唯一可惜係冇Naan，亦冇Kingfisher啤酒，亦冇印式或巴式甜品，奇怪。