K2 Kitchen (已結業)

女接待員服務極差，我地7大2B到咗，其他人未到，我地話訂咗10位，該女接待員不停問我地電話號碼，因為訂位個朋友未嚟到，我地即時講唔出個電話號碼，女接待員話有兩檯10位，所以一定要問電話號碼，最後要我地講出個號碼先俾我地坐低！（其實兩檯都係10位，都係長檯，唔明有咩分別？）之後坐低，俾6張檯我地，該女接待員就拆開咗1張檯，話因為我地10個人，其實我地仲有兩個小朋友，我再問該女接待員拎多張檯俾小朋友坐，佢話小朋友唔會有檯，你坐好我再俾椅子我地，點都唔俾張檯我地，話所有檯都有人訂咗，之後我話有11個大人，先肯俾我拍埋個張檯一齊坐！呢間係工廈嘅餐廳，一個set dinner 最少200-300蚊，唔知以為係高級餐廳食緊！未食完就問收得隻碟未？成舊羊扒都未食完！真好笑！服務咁差，真係唔好諗住去食下一次！P.S.近抽氣扇位地下有煙灰缸