築地日本料理 (結志街) (已結業)

在朋友介紹下到此店一試。餐廳雖有兩層，但面積不大，二樓的陳設亦很簡單，有D屋企feel。三文魚/帶子壽司：魚生都幾鮮甜，幾好食。A5黑和牛壽司：賣相切功一般；肉質雖腍，但做唔到入口甘香溶化，肉味亦唔突出，更有少許雪藏味；索價$38一件，唔掋食。自家製餃子：除了有豬肉外，內有生菜絲，亦因此緣固，餃子變得更有volume、更有口感。另外，餃子皮很薄，滲着少許肉汁，的確做得不錯。芝士牛肉露筍卷：味道幾好，芝士及牛肉味道同樣香濃。香草燒羊扒：肉質幾腍，唔蘇；味道略鹹了少許。吉列炸生蠔：隻蠔較細隻；經油炸後，蠔嘅味道唔突出。脆皮無骨雞翼：炸得唔錯，唔算油膩；味道都幾好。