大井町日式放題 (已結業)

平時經過荃灣，都好想試呢間放題。 今次終於有機會啦呢次揀咗午餐放題， 盛惠188加一。 成間舖好大，座位好闊，坐落好舒服。 職員好nice ，上菜同收碟 好快。刺身好正， 三文魚刺身都幾厚。 不過咁啱我食到嘅其中一塊三文魚刺身有細骨，食嘅時候要留意吓。壽司方面我幾欣賞佢嘅花之戀系列同埋火炙系列。 基本上唔使點醬油都好好食。三文魚壽司和帶子壽司就一般啦呢三款特色壽司我覺得幾得意， 口感幾正。海膽手卷我覺得ok啦熟食方面我幾欣賞佢嘅芝麻雞翼同埋炒帶子。 呢度嘅芝麻雞翼同出面放題食嘅有啲唔同， 分別在於佢嘅芝麻雞翼外面包咗粉再去炸，不過係好味嘅。至於個炒帶子， 我覺得係好味嘅。 不過稍嫌有啲油膩……呢度嘅飲品有凍飲同熱飲，凍飲有成三個櫃嘅飲品可以選擇， 其中一個櫃有酒飲。 我就鍾意佢嗰個蜂蜜柚子茶。