八幡屋涮涮鍋 (已結業)

突然之間想食想食火鍋~朋友介紹推介左我食八幡涮涮鍋 今次我哋係經社交平台訂位 因為佢哋係社交平台訂會有半價優惠 仲有得升級到4小時仼食添！呢度餐廳嘅裝修好有日式感覺，新裝修嘅格局 再加上紅色嘅小燈籠🏮令我感覺置身於喺日本一樣我哋今日揀選左C4餐，C4比其他套餐重點多咗A4黑毛和牛之外，仲有鮑魚、Asahi同埋Haagen Dazs任食❤️真係幾抵食，同埋另外有個海鮮拼盤！海鮮拼盤有扇貝、青口、蜆等等。出面嘅自助bar有唔同嘅麵、丸類、醬料可以自取添架！餐廳係以QR落單叫野食，我好推薦大家一定要試吓呢度嘅炸饅頭配煉奶♥️呢款菜式都算係呢間餐廳最出名！刺身方面每款海鮮都好鮮甜😍好有質素 仲有大大粒嘅珍寶帶子 厚切三文魚同吞拿魚等等 全部都勁好食😋其他串燒同埋燒物都好高質 好多選擇食完主食 點少得係甜品區食甜品呢~佢哋甜品都多選擇 有韓國雪條 布甸 雪糕等等唔同種類嘅甜點真係多到食唔晒❤️