小店 (已搬遷) 新店位置

食完金泰的飯後甜品，今次終於到小店。今次我們一棚人，咩甜品都叫，好嘈，好熱鬧 甜品上到一檯都係，因為太興奮，又要爭影相，又要阻止甜品給已影完相的朋友消滅左，大部份甜品係見到就要食左先，一啖半啖的，食完係咩味，唔係款款都有印象。首選是cat cake。外表有如一件朱古力磚，黑黑實實的，一看便知係濃野 食落幾香濃亦夠濕潤，能滑少許的話會更美味。心太軟的賣相對版，時間控制得唔錯，蛋糕外層唔厚身，岩漿好堅，不過食到麵糊的牛油鹹味，個人覺得破壞了朱古力的香濃感覺。拿破侖感覺比較一般，千層皮不太酥脆，但以小店鋪的水準又可以接受。合桃一向不是我杯茶，而這個合桃批批皮印象中厚厚地，少少腍，又沒有好勁的合桃味，我想大部分朋友都會覺得它比較普通吧，我都覺得它真係好普通，不過普通其實又可以唔錯，都食左好幾啖的。其他的甜品實在沒什麼印象就不寫了，整體的感覺是味道中等，個別甜品做得出色，但我會幾欣賞佢地甜品係整得幾有心機，成個感覺係好的。