影片
更多
2016-09-26
676 浏览
今晚同同事去食放題，今次就試咗啲壽司同小食，有啲都幾值得推介！（但係好多相都無咗😞）一收工真係好餓，叫咗野食之後就去拎咗啲熟食～呢到嘅熟食都幾多種類，自助形式，唔洗再落單又要等一輪。自己想食幾多就拎幾多，唔洗怕叫完食唔晒。我就拎咗啲冷盤，有中華沙律，螺肉，雞腎同無骨嘅鳳爪😋螺肉好大粒，勁爽口！雞腎就麻辣嘅，雖然有啲硬但又幾入味。無骨鳳爪都係好好味，少辣，唔錯～一定要食嘅花之戀！勁多蟹籽係面頭，而且仲係三文魚腩，又夠沙律醬，一次過滿足晒我三個願望😚而另外個件係有奇異果同軟殼蝦😅雖然呢個組合係好奇怪，不過奇異果幾甜，軟殼蝦炸到脆卜卜。分開講嘅話都還可以，但係就真係唔夾，不過一試無妨啦😂芥辣八爪魚軍艦～八爪魚好爽口，芥辣個辣度適中👍🏻另外，燒鰻魚，燒菠蘿同埋咖哩蟹都好正！燒鰻魚好肥美，肉汁仲keep到，加埋啲燒汁係一流。而且可以單叫，唔洗食多嚿飯落肚，食多啲都仲得😋燒菠蘿夠甜，又多汁，食完又叫。咖哩蟹唔係太大份，咖哩唔辣，一份嘅蟹肉唔多，不過唔夠都可以再叫～另外，幾鍾意呢到個飲品櫃，因為有暖櫃！！！😍選擇都ok多👍🏻
一收工真係好餓，叫咗野食之後就去拎咗啲熟食～
呢到嘅熟食都幾多種類，自助形式，唔洗再落單又要等一輪。自己想食幾多就拎幾多，唔洗怕叫完食唔晒。我就拎咗啲冷盤，有中華沙律，螺肉，雞腎同無骨嘅鳳爪😋螺肉好大粒，勁爽口！雞腎就麻辣嘅，雖然有啲硬但又幾入味。無骨鳳爪都係好好味，少辣，唔錯～
一定要食嘅花之戀！勁多蟹籽係面頭，而且仲係三文魚腩，又夠沙律醬，一次過滿足晒我三個願望😚而另外個件係有奇異果同軟殼蝦😅雖然呢個組合係好奇怪，不過奇異果幾甜，軟殼蝦炸到脆卜卜。分開講嘅話都還可以，但係就真係唔夾，不過一試無妨啦😂
芥辣八爪魚軍艦～八爪魚好爽口，芥辣個辣度適中👍🏻
另外，燒鰻魚，燒菠蘿同埋咖哩蟹都好正！燒鰻魚好肥美，肉汁仲keep到，加埋啲燒汁係一流。而且可以單叫，唔洗食多嚿飯落肚，食多啲都仲得😋燒菠蘿夠甜，又多汁，食完又叫。咖哩蟹唔係太大份，咖哩唔辣，一份嘅蟹肉唔多，不過唔夠都可以再叫～
另外，幾鍾意呢到個飲品櫃，因為有暖櫃！！！😍
選擇都ok多👍🏻
张贴
