Amour Cafe (已搬遷) 新店位置

係網上有唔少人都讚過呢間野，所以咪試下囉。佢間舖都幾細，又暗，分分鐘以為佢冇開門。原來間野係家庭作業，唔怪得啦。我地叫左個白汁魚意粉同蕃茄雞扒天使麵餐。紅湯係用杯裝的，好有創意，ｄ配料好多，好多菜。主菜呢，紅色就幾好味，雞扒好香香草味，ｄ天使麵軟硬適中，好味呀！個白色就差囉，ｄ粉同魚都係乾的！甜品方面，我地叫左個custard同芝士餅。芝士餅唔係好濃芝士味，唔慣食芝士的人一定滿意。Custard都幾好味。估唔到呢間舖咁細都有咁的水準，有好多大舖收得貴到死都不及。