影片
更多
2020-11-23
65 浏览
今日同朋友一齊出去食飯，咁我見到疫情又開始，拿拿聲把握機會去同朋友去咗滿屋度食日式放題，真係食咗先講，驚遲啲又冇得食。我地叫左魚生有吞拿魚 、希靈魚、大赤蝦、馬刀貝、帶子、赤貝、甜蝦、油甘魚… 其實啲刺身都算係多選擇嘅而我覺得啲刺身亦都唔錯都幾新鮮大家可以參考我幅圖。燒紐西蘭羊鞍: 呢一個係本人 number one嘅至愛因為肉質都幾嫩口，生熟調教得啱啱好羊騷味都fine,而且落咗少少香草真係ok嘅,suggest食多幾件,因為出面去食都唔平。Sushi 有火炙海膽墨魚、山葵八爪魚軍艦、鵝肝伴帶子壽司、黑松露空運間八壽司、醬油漬吞拿魚吞魚壽司、海苔牛油醬伴鮑汁元貝、蟹子軍艦、香蔥吞拿魚茸軍艦、火炙蒜蓉和牛及火炙鰻魚... 咁其實款式都非常多， 大致上嚟講細細件雖然都飽肚，但其實都可以試得幾多件。 因為其實舊飯都唔係話太大。鹽燒雞軟骨: 鹹味同鹽燒嘅程度調得啱啱好可以試下，因為出去日本居酒屋一條都唔平。蒲燒鰻魚： 鰻魚fans鍾意嘅可以試下，因為其實佢都係畀細嚿你去試，咁其實個鰻魚都唔差，個鰻魚汁調得都ok嘅，鍾意食鰻魚嘅朋友可以試下，因為唔係太大嚿所以個肚應該都食得落。西京比目魚: L
我地叫左魚生有吞拿魚 、希靈魚、大赤蝦、馬刀貝、帶子、赤貝、甜蝦、油甘魚… 其實啲刺身都算係多選擇嘅而我覺得啲刺身亦都唔錯都幾新鮮大家可以參考我幅圖。
燒紐西蘭羊鞍: 呢一個係本人 number one嘅至愛因為肉質都幾嫩口，生熟調教得啱啱好羊騷味都fine,而且落咗少少香草真係ok嘅,suggest食多幾件,因為出面去食都唔平。
Sushi 有火炙海膽墨魚、山葵八爪魚軍艦、鵝肝伴帶子壽司、黑松露空運間八壽司、醬油漬吞拿魚吞魚壽司、海苔牛油醬伴鮑汁元貝、蟹子軍艦、香蔥吞拿魚茸軍艦、火炙蒜蓉和牛及火炙鰻魚... 咁其實款式都非常多， 大致上嚟講細細件雖然都飽肚，但其實都可以試得幾多件。 因為其實舊飯都唔係話太大。
鹽燒雞軟骨: 鹹味同鹽燒嘅程度調得啱啱好可以試下，因為出去日本居酒屋一條都唔平。
蒲燒鰻魚： 鰻魚fans鍾意嘅可以試下，因為其實佢都係畀細嚿你去試，咁其實個鰻魚都唔差，個鰻魚汁調得都ok嘅，鍾意食鰻魚嘅朋友可以試下，因為唔係太大嚿所以個肚應該都食得落。
西京比目魚: Like食魚嘅人唔好miss，因為條比目魚都幾嫩滑，條魚無乜腥味同埋油油地都好食， 條魚唔算大條，所以肚子有空間去食!
自家吉列炸蠔: 個炸蠔都唔錯 蠔肥美炸得啱啱好， 可以試下開支啤酒送個蠔。
鹽燒鯖花魚 :魚皮同魚肉燒得好好味， 魚肉嘅肉質亦都幼嫩。可以出去拎支清酒去餸。
鹽燒雞翼: 雞翼炸得算OK,恰到好處皮脆肉嫩,而且有好香嘅盬味 ， 講真好過屋企自己炸雞翼啦 ，唔使1分鐘，已經KO一隻。
淨烏冬： 呢個淨烏冬都幾飽肚，我幾鍾意佢個手打烏冬彈牙之餘，個湯底整得唔差，有空肚嘅話可以試下。
最後其實我都嗌咗好多嘢食， 大家可以參考我啲相 。Anyway, 佢依家個價錢比以前我見到嘅，其實好似減咗少少，咁如果大家有興趣可以試下的。
张贴
