PAPI (已結業)

銅鑼灣近維園有一家價錢幾經濟，又坐得舒服的意大利菜。可能唔近地鐵站所以客人不多，靜靜地幾啱情侶食飯！軟心意大利蛋配菠菜松子仁沙律好多菠菜，菠菜有好豐富的鐵質，加埋溫泉蛋的蛋漿，濕潤了整個沙律。一粒粒的松子仁有益得黎又增加口感，幾清新！炸意大利水牛芝士條配無花果醬熱辣辣炸起的芝士條香脆豐盈，唔油膩得來，加埋無花果醬甜甜地，點上芝士條好夾！芝士記得趁熱食，有拉絲效果！鱸魚意大利飯配蟲草花雖然我唔係好鍾意食意大利飯，因為都好擔心每間餐廳做得唔好。不過今次呢個飯做得好好，鱸魚不需多醃，而且意大利飯吸哂魚的味道！Tiramisu 最後點可以無甜品？來一個意大利的甜品，淡淡的咖啡香無人可以抵擋。兩個人share啱啱好！幾鍾意餐廳嘅氣氛，而且食物的選擇都多，銅鑼灣都好難搵到咁有氣氛，又啱兩個人可以靜靜地食飯的餐廳！所以遲啲有記念日都會黎慶祝。