影片
更多
2024-04-11
351 浏览
仲有兩個星期就會喺，一邊搵泰國好去處，一邊見到好多人推介曼谷火車夜市嘅火山排骨，諗起屯門嘅 Bamboo Thai 都有得食，即刻叫埋老公去試，等我哋真係去到泰國再睇下呢個港版正唔正宗先 😋 講到 Bamboo Thai，原來唔少香料同食材都係直接空運自泰國，仲請咗有豐富泰菜經驗嘅泰國師傅 Tanpok Manit 做顧問，所以菜式唔單止啱香港人口味，亦保留咗泰國嘅風味！呢度嘅泰菜比較創新，招牌菜有火山排骨、紅咖喱慢煮原條牛肋骨同泰式蛋咖喱炒皇帝蝦等，賣相打卡able 又精緻 🌴🍊 大蝦清新柚子沙律 $88 柚子好大楷清甜又多汁，加埋鮮蝦同醋再落些少醬油調味，如果食沙律偏好清淡嘅朋友可以要求醬汁分開上。🧄 蒜香炒泰國椰菜苗 $78 椰菜苗新鮮脆口，炒得好有鑊氣但唔油膩，蒜香味濃 #好食！🌋🦴 火山排骨 (小) $158 上枱時已經畀個份量嚇親，雖然只係點左「小」排骨，但其實都夠 3-4 個人開心 Share！排骨用荷蘭豬頸骨慢煮個半鐘頭而成，再加入香茅、南薑、泰國芫荽同青檸葉等，最後淋上特製醬汁，味道似魚露配檸檬汁、芫荽同生蝦汁，咸香味濃，食落啖啖肉。我問過店員如果唔鍾意食芫荽可以點算
火山排骨 (小)
$158
16 浏览
0 赞好
0 留言
講到 Bamboo Thai，原來唔少香料同食材都係直接空運自泰國，仲請咗有豐富泰菜經驗嘅泰國師傅 Tanpok Manit 做顧問，所以菜式唔單止啱香港人口味，亦保留咗泰國嘅風味！呢度嘅泰菜比較創新，招牌菜有火山排骨、紅咖喱慢煮原條牛肋骨同泰式蛋咖喱炒皇帝蝦等，賣相打卡able 又精緻 🌴
大蝦清新柚子沙律
$88
23 浏览
0 赞好
0 留言
柚子好大楷清甜又多汁，加埋鮮蝦同醋再落些少醬油調味，如果食沙律偏好清淡嘅朋友可以要求醬汁分開上。
蒜香炒泰國椰菜苗
$78
5 浏览
0 赞好
0 留言
椰菜苗新鮮脆口，炒得好有鑊氣但唔油膩，蒜香味濃 #好食！
火山排骨 (小)
$158
23 浏览
1 赞好
0 留言
上枱時已經畀個份量嚇親，雖然只係點左「小」排骨，但其實都夠 3-4 個人開心 Share！排骨用荷蘭豬頸骨慢煮個半鐘頭而成，再加入香茅、南薑、泰國芫荽同青檸葉等，最後淋上特製醬汁，味道似魚露配檸檬汁、芫荽同生蝦汁，咸香味濃，食落啖啖肉。我問過店員如果唔鍾意食芫荽可以點算？佢話都可以要求醬汁分開上，只係 #打卡 冇咁靚囉 😆
泰式火車頭和牛炒飯
$148
14 浏览
0 赞好
0 留言
泰式火車頭和牛炒飯
$148
36 浏览
0 赞好
0 留言
呢個炒飯用咗澳洲 M5 和牛去炒，牛肉份量都幾多，飯炒得粒粒分明。加入芥蘭、洋蔥、小番茄、青瓜等配料，口感豐富。雖然比較濕身，但仍然保留到鑊氣！
芒果糯米飯
$78
12 浏览
0 赞好
0 留言
好甜嘅芒果配熱辣辣糯米飯同椰奶，如果有埋紫糯米就更完美！自家制椰子雪葩有驚喜，入面有合桃，側邊仲放咗啲香脆椰絲片，口感同味道都 💯
九層塔青檸梳打、椰來飄香
15 浏览
0 赞好
0 留言
青檸梳打清新解渴，九層塔香氣濃郁！Pina Colada 嘅椰汁同菠蘿味香甜，係夏天嘅味道！呢類沙冰特飲仲有逢星期二買 2 送 1 優惠，好飲又抵飲 👍🏻
题外话/补充资料：
Bamboo Thai 嘅店員服務態度好好，餐廳空間又夠大，好啱一家大細嚟開餐。不過平日晚飯時段都可能要等位，所以建議大家記得預早訂位先喇！
(以上食记乃用户个人意见 , 并不代表OpenRice之观点。)
张贴
