Mango Mania (已結業)

上星期去左北角和富中心晚餐，見到餐廳隔離有間Mango Mania，上網搵原來係泰國過江龍甜品店!主打芒果甜品，以人氣泰國水仙芒製作。店員係正宗泰國人，親切有禮貌~芒果冰磚 Ｍango Bingsu with sticky rice賣相造型吸引!大大粒芒果香甜多汁，食得出好新鮮唔會酸，內裡係幼細軟綿既花奶刨冰，入口即溶，配以芒果汁同煉奶食用更顯風味。大大球芒果雪糕味道熟香濃郁，另附上軟糯帶嚼勁糯米飯，正。超級芒果狂熱Super Mango Mania嘩!有成三款芒果甜品，芒果迷一定唔可以錯過~有齊芒果布甸、芒果雪糕同芒果糯米飯，仲有半個切花芒果，果肉綿密細緻，香氣十足又夠甜，啖啖肉濃厚芒果香。芒果布甸口感順滑清新；芒果雪糕奶味濃厚甜度適中；芒果糯米飯迷你份量剛好唔易滯，加上脆米，提升口感屠次。