影片
更多
2022-08-10
721 浏览
有啲餐廳你總係會發覺有緣無份，尖沙咀嘅幸福鳥講咗起碼十次想去，可惜總有原因去唔到，可能尖沙咀太多串燒店，總係有啲遺憾，未食到佢嘅出品。難得呢日喺太古開會，好耐冇返去呢個前主場，以前太古真係美食沙漠，而家多咗好多唔同嘅新場，幸福鳥就係其中之一，開係Apita入面，同CENSU一樣立刻成為太古城之友嘅新蒲點。剛剛開咗幾個星期，連酒牌都未有可以同朋友過嚟飲番杯，幾好，今晚就一於試吓呢度嘅串燒。我未去過尖沙咀嘅分店，但係呢個室內設計靈感取自從明治時代的日本文化重鎮京都深度構想(Kyoto Second Look)，我哋建築認識不多，但佢嘅座位同設計嘅形狀以及觸感都與京都有聯繫，的確好靚好舒適。以前太古城食晚飯都唔會多人，但今晚可以話全場爆滿，我相信呢度應該都唔會太差。先來個燒雞泡魚干，絕對冇出事，加上有一個沙律前菜送下酒。刺身拼盤有三文魚、赤身、帶子刺身、油甘魚，牡丹蝦等等五種刺身，我相信都唔需要逐個介紹係乜嘢味，佢嘅刺身質素好高就係，你知有時呢啲串燒舖食刺身好易出事，但今晚完全唔需要擔心。先食串極上牛舌，燒得剛剛好，唯獨是我覺得三舊有點份量不夠，牛舌夠厚，油份充足口感一流。幸福鳥免治軟骨雞肉
難得呢日喺太古開會，好耐冇返去呢個前主場，以前太古真係美食沙漠，而家多咗好多唔同嘅新場，幸福鳥就係其中之一，開係Apita入面，同CENSU一樣立刻成為太古城之友嘅新蒲點。
剛剛開咗幾個星期，連酒牌都未有可以同朋友過嚟飲番杯，幾好，今晚就一於試吓呢度嘅串燒。
我未去過尖沙咀嘅分店，但係呢個室內設計靈感取自從明治時代的日本文化重鎮京都深度構想(Kyoto Second Look)，我哋建築認識不多，但佢嘅座位同設計嘅形狀以及觸感都與京都有聯繫，的確好靚好舒適。
以前太古城食晚飯都唔會多人，但今晚可以話全場爆滿，我相信呢度應該都唔會太差。
先來個燒雞泡魚干，絕對冇出事，加上有一個沙律前菜送下酒。
刺身拼盤有三文魚、赤身、帶子刺身、油甘魚，牡丹蝦等等五種刺身，我相信都唔需要逐個介紹係乜嘢味，佢嘅刺身質素好高就係，你知有時呢啲串燒舖食刺身好易出事，但今晚完全唔需要擔心。
先食串極上牛舌，燒得剛剛好，唯獨是我覺得三舊有點份量不夠，牛舌夠厚，油份充足口感一流。
幸福鳥免治軟骨雞肉 ，一個醬汁燒一個鹽燒，好少有兩種食法，撈埋個日本蛋，始終最愛係醬汁燒，鹽燒就好似素人一樣，簡單就是美，睇吓你鍾唔鍾意人走清新路線。
好彩我自己帶咗一支濁酒黎，送汁燒原條九州槍魷魚就對，魷魚加上燒汁，好入味，而且好大隻，魷魚鬚更加笑得脆口。
蒜香粟米不錯，簡單做吓間場。
豆腐同樣係肉肉肉之間俾你有少少休息嘅空間，飲下酒講吓笑，不過呢個豆腐真係燒得好滑好有口感，外脆內軟唔容易掌握。
沖繩菠蘿，如果多一點焦糖，應該會更加之精彩。
平時可能你去食串燒店食下唔同嘅肉同內臟，今日反而選擇幸福燒雞，成隻雞有得食，雞髀又有，雞胸又有，雞翼又有，悉隨尊便你鍾意食乜嘢位置都得。
好有肉汁，燒得皮脆肉嫩，呢個係今晚嘅大驚喜。$158絕對超值。
尾聲加多個牛肉壽喜燒鍋，簡單嘅做法，但係要讚嘅係佢嘅壽喜燒湯頭，一流，牛肉份量也唔少，如果添加多一個烏冬成件事就會瞬間Perfect。
聽朋友講，其實佢哋燒海鮮會比較叻，不過今日有個朋友唔係太好海鮮，下次希望可以試吓佢海鮮有幾咁出色。
係太古，呢間幸福鳥絕對可以係一班朋友，同事食飯暢飲的最佳選擇，而家未有酒牌仲要免開瓶費，更加要快啲試吓。
张贴
