幸福班戟 (已結業)

星期日同朋友行行吓銅鑼灣突然兩個女仔有同一個諗法—就係去食happy pancake做下午茶！估唔到星期日五點左右唔洗點排隊，等左十分鐘左右就入得喇！其實今次係我第一次喺香港食happy pancake, 所以一叫就梗係叫個原味試吓，睇吓同日本有冇咩分別丫嘛🤪可能你會話食一個下午茶要過百蚊唔抵，但真係值～因為日本嘅味道真係帶到過黎，同埋自己喺屋企真係好難整到咁正呀。佢嘅班戟依然咁鬆軟，好有蛋香味，蛋白佢發得啱啱好，食落好有層次。再加上啲cream唔係死甜，加埋啲蜜糖，完全係將個班戟昇華😍