幸福班戟 (已結業)

聽講happy pancake成日都排長龍，於是今日碰碰運氣，係平日晚飯嘅時間七點鐘嚟到排隊。原來真係冇揀錯時間啊，只係有大概五個人係我前面。唔使等夠15分鐘已經能夠安排位置入內就坐。而且仲見到剩返好多吉位。同朋友點左一個朱古力味嘅pancake。哇，有好多朱古力醬啊，仲有用人手打嘅cream，上面仲鋪滿左啲果仁。pancake軟淋淋，震騰騰。不過絕對唔覺得係食咗一陣風咁樣，因為佢都幾厚身而且有質感。個人來講覺得點cream俾點朱古力醬更好味。因為朱古力味比較濃味，所以蓋過咗pancake本身嘅蛋香味。大少少甜味，好輕身，感覺一啲都唔肥。下次如果點原味可能味道更佳。pancake總共有三塊，兩個女仔一碟share就啱啱好啦。食完真係會有好幸福嘅感覺架， so happy。