鳳城酒家 (禮頓道)

三十有多，第一次榮幸獲得屋企人賞面，過黎我公司附近同我食生日飯，近近地揀左鳳城酒家既四人餐，好開心

前菜係我好鍾意食既炸豆腐粒

大閘蟹季節一人一隻淺嘗鮮味多膏，食完仲有薑茶補身

秋風起一定要食返餐蛇羹，勁足料，仲要加薄脆，一人分到唔止一碗

個炸子雞真係皮薄肉滑，配埋勁好飲既上湯豆苗同羊腩煲，真係飽到一個點

最後仲有傳統西米南瓜布甸，真係好圓滿
家庭慶祝既可以考慮下