影片
更多
2018-11-17
348 浏览
以前喺北角上班，經常會去和富道食晏，不過自從調咗去九龍之後，已經好耐無過嚟呢頭。早排聽朋友講，位於和富道嘅「幸福小路」已經結業，換成另一間叫「當下」嘅西餐廳。哈哈，店名改得挺有意思，人生苦短，當然要好好把握，活在當下，反正星期六行完山都未諗到食乜嘢，就一於來這裡吃頓午餐。拉開趟門內進，店面呈長方形，地方不大，座位分成左右兩排。左手邊以四人方桌為主，拼寳藍色長沙發；而右手邊就擺放了多張高腳檯櫈，盡頭喺水吧位，另外近門口兩邊亦各自擺放了兩張高身圓櫈，座位自成一角，最適合小情侶邊吃邊談心。店員送上兩份餐牌，看看腕錶，原來時間剛好，可以選吃午餐又或者下午茶餐。由於啱啱行完山，大家都有點餓，所以決定食好啲，為自己加多一點動力。午餐共有七款選擇，定價由 $88 - $128 不等，包精選餐湯、蒜蓉法包及沙律，配美式即磨咖啡、橙汁、薑味梳打或有機名茶一杯，+$28 更可配精選手工蛋糕一件。先嚟野菌忌廉湯、蒜蓉法包同田園沙律；沙律選材新鮮，菜蔬夠曬爽甜脆身，加上以麻醬作點綴，味道清新！忌廉湯用野菌打成，湯身綿滑不杰，味道醇厚，入口散發著濃郁菇菌香氣，完全沒有膩滯感。 主菜揀咗兩款肉食，先嚟嘅炭烤西班牙
以前喺北角上班，經常會去和富道食晏，不過自從調咗去九龍之後，已經好耐無過嚟呢頭。早排聽朋友講，位於和富道嘅「幸福小路」已經結業，換成另一間叫「當下」嘅西餐廳。哈哈，店名改得挺有意思，人生苦短，當然要好好把握，活在當下，反正星期六行完山都未諗到食乜嘢，就一於來這裡吃頓午餐。
拉開趟門內進，店面呈長方形，地方不大，座位分成左右兩排。左手邊以四人方桌為主，拼寳藍色長沙發；而右手邊就擺放了多張高腳檯櫈，盡頭喺水吧位，另外近門口兩邊亦各自擺放了兩張高身圓櫈，座位自成一角，最適合小情侶邊吃邊談心。
店員送上兩份餐牌，看看腕錶，原來時間剛好，可以選吃午餐又或者下午茶餐。由於啱啱行完山，大家都有點餓，所以決定食好啲，為自己加多一點動力。午餐共有七款選擇，定價由 $88 - $128 不等，包精選餐湯、蒜蓉法包及沙律，配美式即磨咖啡、橙汁、薑味梳打或有機名茶一杯，+$28 更可配精選手工蛋糕一件。
先嚟野菌忌廉湯、蒜蓉法包同田園沙律；沙律選材新鮮，菜蔬夠曬爽甜脆身，加上以麻醬作點綴，味道清新！忌廉湯用野菌打成，湯身綿滑不杰，味道醇厚，入口散發著濃郁菇菌香氣，完全沒有膩滯感。 
主菜揀咗兩款肉食，先嚟嘅炭烤西班牙黑毛豬排 ($108)，以一隻白色嘅圓碟盤盛載，下面墊咗薯角，而旁邊就配有蘆筍，分量十足。件豬扒非常大塊，比預期厚身，外層微帶焦香，不過肉汁就唔算好豐富，幸好食落柔嫩不韌，水準亦不俗，推介愛吃豬的朋友一試。至於伴吃的薯角，面層炸至色澤金黃，而內裡的薯肉亦薯味十足，與豬扒簡直係絕配。
至於另一客美國安格斯肉眼牛排 ($128) 亦非常重磅，一客有成 12 安士，加埋墊底嘅薯角，份量都唔嘢少，絕不欺場。肉眼扒燒得剛好，外面微脆，入口帶焦香。切開呈 medium rare 的粉紅色，咬下去肉很嫩，既軟腍又富肉香，而且非常 juicy，充滿肉汁，無須配燒汁吃，已經夠曬惹味。
餐飲揀咗橙汁同薑味梳打。+$28 可以配手工蛋糕，當然唔可以錯過，點知店員話蛋糕仲未返貨，一場嚟到，的確是令人有點失望，幸好餐廳離我家不太遠，下次去開總部探班，可以約埋同事過嚟食晚餐，再碰下運氣。
张贴
