意蠔屋 (已結業)

朋友約左旺角食個快飯，順便交收。去到最旺的一條街，budget不多，見到一間新開的店算是乾淨企理，就入內一試。推門先發現原來小店都幾有來頭，有唔小雜誌介紹過。店內顏色好鮮艷，感覺好精神，仲有電視睇添。店仔細細估唔到竟然有生蠔食，二人蠔餐仲好化算添！勇敢一試！套餐先上基本的羅宋湯，酸酸甜甜好開胃。生蠔上檯幾靚仔，入口creamy，食落亦有鮮味。套餐中亦有焗蠔，蠔身好厚，醬汁好杰，好好食。兩款主食當中，牛柳意粉好好食，唔係高級餐廳果種，而係舊式茶餐廳的牛柳味道。牛肉好軟身，意粉好滑，醬汁好濃。蟹籽蟹肉天使麵，估唔同有甘多蟹籽，混入軟軟芝士汁當中，口感好豐富。師傅落蟹肉亦不手軟，十分足料。食到飽飽，最後埋單每人一百多少少，貨真價實。呢個價錢，食到生蠔燒蠔，十分抵。