粵來順 (已結業)

友人去完旅行，追攞手信，當然只是借口啦！實際是想見下面吹吹水和食下嘢，揾下揾下揾到間米芝蓮，見食評都不錯和價錢幾實恵，馬上訂枱；吾知點解叫了三個小炒都係炸物，怕熱氣的救命呀！鹵水鹅拼盤先到，有四樣嘢，好多豬肉，實情係切到好薄身，鹅肉吾太肥，豆腐墊底，墨魚有小小韌；炸芝士蝦丸，幾特别，如果有流心就更正；蝦多士，攤凍食就少了脆口感覺；金沙炒涼瓜，幾漏下，很不錯；其它小炒也不太貴，也很經濟，只是環境就好擠迫和好嘈吵，不過再來嘅機會很大。