千賀水產 (已結業)

但元朗出名多抵食野，今次同細佬試新野，食放題。終於喎怕佢食唔飽，可以瘋狂叫野食。一黎就比左盤海鮮我地燒，第一次試磯燒，分量都幾多，又有蝦、鮑魚、蠔、甲羅燒。隻蝦大隻到個夾都有d難夾呀，佢張紙有曬instruction比我地寫明幾多分鐘就食得，唔洗驚會燒得唔好啦🤤 加埋清酒有濃濃既酒味，同d海鮮好夾。最鐘意佢d壽司，款款都不錯。軟殻蟹卷，沙津醬好夠，成舊食曬唔內疚。壽司d飯唔算好大舊，食多多都唔會塞住個胃，搞到食唔到其他好野。牛油香菌係必食推介，好足牛油味，兩分半鐘就食得，忍唔住encore 左幾次。食完咁多野，要搵野refresh 下，呢個磯燒菠蘿酸酸地幾開胃，之後就可以繼續刷😀食到咁上下梗係刷甜品啦，特別推介佢個泡芙，食落去好creamy又唔會太甜太膩，好邪惡食左6，7粒。間餐廳仲有成個凍櫃裝住勁多款雪糕雪條，個個藍莓雪球波波好正。