爭鮮迴轉壽司 (已結業)

成日聽歌仔：好食的壽司在爭鮮~~是日黎爭鮮食lunch，勁多人，排左15分鐘。坐低立即睇下有咩食，時間緊迫，叫左以下咁多：一件特長三文魚壽司，十分肥美，入口幼滑，魚味濃，好正！是日優惠，一碟有3件，魷魚片略韌，沒什麼味道。帶子壽司，個樣放得唔好睇，不過都好厚，帶子味不錯，當然唔可以同千X壽司比啦！三文魚壽司睇左成三轉先選左呢碟，花紋好靚，魚味不錯。蟹柳蟹子青瓜絲沙律，好多蟹柳絲，沙律醬偏甜，如果係酸果種會更加開胃！粟米壽司是友人的，食了一舊，無咩特別，都係得個甜字。呢個唔知咩沙律試下，食完都係唔知咩，厲害！