影片
更多
2022-03-24
724 浏览
好耐冇去過舊式扒房，好懷念以前細個阿媽會帶我哋去鋸扒嘅餐廳，而家越嚟越少，估唔到灣仔仲保留咗一間--金鳳大餐廳☺️餐廳保留住舊式扒房嘅裝修，懷舊但又舒適。香燒羊扒餐，$137成日食牛扒嘅我突然想食羊，平時食羊扒都冇侍應問我要幾成熟，但係呢度有分，羊扒我哋未試過太生，所以要咗8成，揀咗黑椒汁同薯菜，套餐仲包餐湯、餐包同嘢飲，好豐富。扒份量十足，鐵板上嚟時嘅喳喳聲好正，一上已經聞到好香嘅羊味，不過食落唔會好羶。香煎大西洋雪魚扒，$133朋友想試雪魚，雪魚係好傳統嘅做法，配搭他他汁食，煎得幾香口，又唔油，相對比較健康又瘦身啲嘅選擇，適合女仔。而配搭嘅薯條係粗薯，好好味。燒豬脾配油醋汁沙律，$50因為見lunch set實在太抵， $50同樣包埋湯、包同嘢飲，又有得揀沙律，諗住應該唔會太大份，叫嚟試吓。點知有兩塊大大嘅豬脾肉，我哋都好驚訝，豬脾肉好嫩，啲沙律菜加咗油醋汁，酸酸甜甜好開胃。好滿意嘅一餐，下次再去一定會試牛扒，因為附近所有人都點牛扒食，一定好好味。另外佢仲有外送平台及外賣自取服務:>Foodpanda>DimOrder#懷舊扒房 #金鳳大餐廳 #OldGoldenPh
香燒羊扒餐，$137
成日食牛扒嘅我突然想食羊，平時食羊扒都冇侍應問我要幾成熟，但係呢度有分，羊扒我哋未試過太生，所以要咗8成，揀咗黑椒汁同薯菜，套餐仲包餐湯、餐包同嘢飲，好豐富。扒份量十足，鐵板上嚟時嘅喳喳聲好正，一上已經聞到好香嘅羊味，不過食落唔會好羶。
香煎大西洋雪魚扒，$133
朋友想試雪魚，雪魚係好傳統嘅做法，配搭他他汁食，煎得幾香口，又唔油，相對比較健康又瘦身啲嘅選擇，適合女仔。而配搭嘅薯條係粗薯，好好味。
燒豬脾配油醋汁沙律，$50
因為見lunch set實在太抵， $50同樣包埋湯、包同嘢飲，又有得揀沙律，諗住應該唔會太大份，叫嚟試吓。點知有兩塊大大嘅豬脾肉，我哋都好驚訝，豬脾肉好嫩，啲沙律菜加咗油醋汁，酸酸甜甜好開胃。
好滿意嘅一餐，下次再去一定會試牛扒，因為附近所有人都點牛扒食，一定好好味。另外佢仲有外送平台及外賣自取服務:
>Foodpanda
>DimOrder
#懷舊扒房 #金鳳大餐廳 #OldGoldenPhoenixRestaurant #lunch食咩好 #灣仔美食 #灣仔扒房 #灣仔必食 #舊灣仔 #外賣 #灣仔外賣 #外賣速遞 #防疫日常
张贴
