影片
更多
2017-07-28
5900 浏览
今晚收工唔想煮同老公兩個去咗香港仔行街順便搵嘢食見到角落頭有一間新開嘅日式放題火鍋價錢都係正常 就決定一試問口位置唔算顯眼但亦唔難搵餐廳真正位置要上一樓對於我哋仲未到中年嘅唔太困難不過老人家可能就要辛苦少少啦睇餐牌之後決定要$278 首先係兩盤雪花牛肉睇落唔錯講真自己有買開餸依兩盤牛喺凍肉舖買都要6，70蚊湯底揀咗黃金雞木瓜椰子湯都幾好味任食bar 方面應有盡有同其他一般任食嘅火鍋餐廳睇齊平價啤酒任飲老公冇揸車就最啱啦至於其他嘅食材配料例如牛脷、肩胛牛肉、黑豚肉、黃金雞、海產拼盤等屬於正常水平以上最緊要係都好新鮮有少少gimmick 既係佢地比左個漏斗我哋計時當漏斗完結嘅時候就係食雞嘅最好味時候喎 另外亦俾咗啲青檸我哋 用嚟加落啲雞度食都有助提升個味道少少既老公鍾意食雞胸但佢話估唔到連雞胸都算嫩滑個套餐會唔會係黃金雞先係主角？？Staff 都好有禮貌見老公出去攞啤酒嘅時候就主動同佢換左啲污糟嘅碟又細心咁樣自動加湯同埋清理枱面嘅垃圾值得加分食到最尾口痕用優惠價$168叫咗個J 級大雪花牛肉真係冇得頂作為最後嘅完美總結總括來講呢個價錢唔算話真係好平但係啲料又俾返足你有多個唔同嘅套餐選擇豐儉
同老公兩個去咗香港仔行街順便搵嘢食
見到角落頭有一間新開嘅日式放題火鍋
價錢都係正常 就決定一試
問口位置唔算顯眼
但亦唔難搵
餐廳真正位置要上一樓
對於我哋仲未到中年嘅唔太困難
不過老人家可能就要辛苦少少啦
睇餐牌之後決定要$278
首先係兩盤雪花牛肉
睇落唔錯
講真自己有買開餸
依兩盤牛喺凍肉舖買都要6，70蚊
湯底揀咗黃金雞木瓜椰子湯
都幾好味
任食bar 方面應有盡有
同其他一般任食嘅火鍋餐廳睇齊
平價啤酒任飲
老公冇揸車就最啱啦
至於其他嘅食材配料
例如牛脷、肩胛牛肉、黑豚肉、黃金雞、海產拼盤等
屬於正常水平以上
最緊要係都好新鮮
有少少gimmick 既係
佢地比左個漏斗我哋計時
當漏斗完結嘅時候
就係食雞嘅最好味時候喎
另外亦
俾咗啲青檸我哋 用嚟加落啲雞度食
都有助提升個味道少少既
老公鍾意食雞胸
但佢話估唔到連雞胸都算嫩滑
個套餐會唔會係黃金雞先係主角？？
Staff 都好有禮貌
見老公出去攞啤酒嘅時候
就主動同佢換左啲污糟嘅碟
又細心咁樣自動加湯
同埋清理枱面嘅垃圾
值得加分
食到最尾口痕
用優惠價$168
叫咗個J 級大雪花牛肉
真係冇得頂
作為最後嘅完美總結
總括來講呢個價錢
唔算話真係好平
但係啲料又俾返足你
有多個唔同嘅套餐選擇
豐儉由人
講真
而家落茶餐廳都要＄50一個晚餐
做飲食放題真係唔容易做
租又貴食材又貴
呢度開頭開得幾好
希望可以keep住
依度可以話值得一試
张贴
