添好運點心專門店

营业中

休息中

呢間店都幾好穩，我係睇咗人地嘅推薦先至想來試下嘅，大話話都係米其林一星吖，應該都唔會差得去邊嘅酥皮叉燒包，一上檯嗰陣我真係以為係菠蘿油添，真係好似吖，上面嘅一層酥皮真係幾酥脆下，裡邊嘅叉燒餡都幾多下，甜同咸味適中，唔會甜到滯又不會無味，不愧係招牌吖！蘿蔔糕真係蘿蔔糕來加，依家出邊賣嘅蘿蔔糕大部分都係糕邊有蘿蔔加，不過呢度嘅蘿蔔糕真係蘿蔔好好好多吖，裡邊仲有好多臘肉粒之類嘅，好香吖，就為咗蘿蔔糕我覺得就應該多來幾次添好運先得！桂花糕我係見到隔離檯叫咗我先至叫嘅，睇起身真係好靚啊，晶瑩剔透，裡邊d枸杞同桂花襯住透明嘅糕成個啫喱咁，真係見到都唔捨得食吖。