薩莉亞意式餐廳 (新都城大廈) (已結業)

今日又可以同老友出黎聚舊喇 ^V^一直想試呢間好耐因為自從北角開分店後都未食過,今日終於能夠一試喇! 法式蒜蓉焗田螺 $19上桌時仲係好熱聽到吱吱聲食落口田螺唔係太硬加上惹味既蒜蓉味道真係一絕!呢個小食我同老友好快就食哂喇 ^V^焗薯 + 辣肉腸 $16辣肉腸味道好特別絕對唔似平時食開既廚師腸呢隻腸係只要食一口你就會有追住食既感覺!好味道!焗薯就冇咩特別但用焗薯配田螺既蒜蓉又幾好食!辣味雞翼 $16普普通通, 不過不失!卡邦尼意粉 $ 25非常好食!蛋黃醬整得唔漏!但我只嫌意粉中的煙肉太少如果煙肉多d 既話咁成個意粉既比例就會好好喇!圖中遠處係老友食既蕃茄海鮮意粉 $25老友話好好食!特別係青口好新鮮!整體黎講, 本身睇個價錢可能你會覺得咁平會唔會水準冇咁好架!?但其實價錢同食物水平未必每次都成正比架!有時食物價錢愈大眾化, 食物質素可能會愈好!而最難得係薩莉亞貴為連鎖式餐廳,仍然堅持到食物價錢平之餘, 食物質素又高,真係好難得!希望薩莉亞能夠繼續長存喇! ;D