影片
更多
2021-04-23
87 浏览
<<Thursday Couple 為食記😋👣>>荃灣最出名就係美食好多，我哋發現仲有一個係食雞煲嘅大廈，專打邊爐食雞煲👀😹嗰度每日都好多人排隊等， 上樓食嘢，今次我哋都唔例外，去18樓呢間18樓雞煲度食自助任食火鍋！知道佢旺角都有分店，好岀名！非常期待😋上到嚟好大個招牌，好光猛同埋見到隻雞，就知道呢度係食雞煲嘅地方啦！😍開頭等上黎嘅時候都好多人！要等成7-10分鐘先上到去，之後發現原來都好多人嚟呢度一大班人打邊爐🥰😋🥳係幾啱feel 嘅！佢有好多唔同嘅套餐俾你揀一定要食嘅奇醬雞煲，惹味，性價比高，之後你就可以揀ABC唔同嘅餐，加小小錢，就可以俾你揀食到唔同嘅牛肉！一嚟到已經聞到佢哋嘅雞煲好香，麻辣味加埋啲花椒洋蔥芹菜等等，惹味到流曬口水，我哋首先食咗隻雞，跟住之後着自己上湯開始打邊爐😚🤩成盤雞真係好惹味，好入味！😋同埋你自己可以揀辣度，我呢啲就少辣就夠😂😂😂佢啲雞都好嫩🔥加埋啲洋蔥同埋芫荽可以話係色香味俱全😍本人極推薦等啲洋蔥加左上湯煮淋左，入曬味個陣食！正到痺！🥰跟住我哋用咗QR code自己喺電話度揀嘢食，全部都係電子嘅落單 🤩叫咗你最鍾意嘅金菇同
荃灣最出名就係美食好多，我哋發現仲有一個係食雞煲嘅大廈，專打邊爐食雞煲👀😹嗰度每日都好多人排隊等， 上樓食嘢，今次我哋都唔例外，去18樓呢間18樓雞煲度食自助任食火鍋！知道佢旺角都有分店，好岀名！非常期待😋
上到嚟好大個招牌，好光猛同埋見到隻雞，就知道呢度係食雞煲嘅地方啦！😍
開頭等上黎嘅時候都好多人！要等成7-10分鐘先上到去，之後發現原來都好多人嚟呢度一大班人打邊爐🥰😋🥳係幾啱feel 嘅！
佢有好多唔同嘅套餐俾你揀一定要食嘅奇醬雞煲，惹味，性價比高，之後你就可以揀ABC唔同嘅餐，加小小錢，就可以俾你揀食到唔同嘅牛肉！
一嚟到已經聞到佢哋嘅雞煲好香，麻辣味加埋啲花椒洋蔥芹菜等等，惹味到流曬口水，我哋首先食咗隻雞，跟住之後着自己上湯開始打邊爐😚🤩
成盤雞真係好惹味，好入味！😋同埋你自己可以揀辣度，我呢啲就少辣就夠😂😂😂佢啲雞都好嫩🔥加埋啲洋蔥同埋芫荽可以話係色香味俱全😍
本人極推薦等啲洋蔥加左上湯煮淋左，入曬味個陣食！正到痺！🥰
跟住我哋用咗QR code自己喺電話度揀嘢食，全部都係電子嘅落單 🤩
叫咗你最鍾意嘅金菇同埋啲牛肉，海鮮等等，其他菜都可以自己出去外面啲雪櫃攞，而配料同埋醬油你都可以自己岀去調配👣👍🏼
食完個雞，跟住就係要加上湯，開始打邊爐啦！佢本身個麻辣醬好濃味，一加埋啲上湯，就係一個麻辣火鍋湯底，因為佢好足料，味道夠！所以成個雞煲打邊爐嘅時候都係好正！🥳
打邊爐點少得嘢飲，呢度啲嘢飲好多都係罐裝，好解辣，同熱！最緊要仲有我最鍾意飲嘅仙草爽！唔係個個地方都有呢個！佢又清涼最啱打邊爐嘅時候！清番啲熱氣🔥🥳😚
最後呢個乳酪雪糕好多人排隊！可以自己整雪糕，嗰啲人整到山咁高！我哋呢真係太飽，所以就整咗杯細細的雪糕，廢事浪費，仲可以自己加toppings 上去，又真係幾好食，幾重乳酪味，一啲都唔偷工減料！打完邊爐食翻杯！一流🔥🥳
张贴
