三記飯店

营业中

休息中

三記喺慈雲山非常出名，食飯時間實有人排隊，到咗宵夜就更加係逼爆，兩間分店都唔夠佳，仲要坐出街。魚香茄子非常惹味，鹹魚同碎肉好足料，所以味道比較鹹，餸飯一流炸乳鴿係新鮮即炸，入口時仲有啲熱。外皮香脆可口，乳鴿肉鮮嫩多汁，大排檔竟然食到呢個質素👍🏻食完炸乳鴿唔夠喉，又怕熱氣，所以叫多隻滷水乳鴿食。滷水乳鴿就有啲遜色，滷水汁冇咩特別，乳鴿亦都及炸嘅嫩滑，下次都係食返炸乳鴿！最遲上嘅薑蔥魚雲有驚喜，用煲仔上，一食就食得出鑊氣，魚雲好新鮮同大件，薑蔥炒得非常香口惹味，正。店員果然冇介紹錯👍🏻打冷必要嘅招牌鵝片份量十足，叫返支啤酒啤一啤就Perfect啦～提外話店員好Nice，會推介你有咩想啱，或者今日有咩新鮮，如果有啲出名嘅嘢例如鵝肉就來賣晒，會提你問你使唔使叫一份先。