影片
更多
2020-09-02
299 浏览
依家出街食一份酸菜魚，最低消費起碼也要 $200。最近有朋友報料，話灣仔上月有間川菜館進駐，價錢好親民，午市人均消費只是六、七十蚊，就已經可以食到一客一人份酸菜魚，而且仲配一款主食，可謂平絕全區。餐廳位於謝斐道 130-146 號地舖，門面好易認，鵝黃色門框襯通透明亮的落地大玻璃，光感十足，讓內部環境一目了然。入座後先細閱餐牌，食物選擇很豐富，單係下午茶餐就已經有超過 30 款，另外亦有冷盤、小食、小菜、湯、飯麵、甜品及飲品等可供選擇。一心嚟食酸菜魚，所以第一時間喺主餐牌內揀咗客老壇酸菜魚，另外再加咗碟萵筍絲同半隻霸王雞。涼拌萵筍絲 ($38) 率先送上，碟頭不大，但味道很不錯，色澤青綠，切成絲，入口爽脆無渣，清新開胃。押上店名的鼎泰老壇酸菜魚 ($138) 接著上桌，成品份量十足，而且用料亦沒有將貨就價，烹調用心。酸菜魚採用新鮮生魚，魚肉不易散開，入口鮮嫩不腥。至於酸菜味道亦恰好，咬下爽脆，帶點清新酸味。配菜還有大豆芽和水晶粉，水晶粉彈牙煙韌，吸湯力一流！蔥油霸王雞 ($98) 好耐無食過蔥油雞，雖然只係點咗半隻，但係份量絕不欺場，而且上檯時更傳來陣陣蔥油香，相當吸引！雞肉食落
最近有朋友報料，話灣仔上月有間川菜館進駐，價錢好親民，午市人均消費只是六、七十蚊，就已經可以食到一客一人份酸菜魚，而且仲配一款主食，可謂平絕全區。
餐廳位於謝斐道 130-146 號地舖，門面好易認，鵝黃色門框襯通透明亮的落地大玻璃，光感十足，讓內部環境一目了然。
入座後先細閱餐牌，食物選擇很豐富，單係下午茶餐就已經有超過 30 款，另外亦有冷盤、小食、小菜、湯、飯麵、甜品及飲品等可供選擇。
一心嚟食酸菜魚，所以第一時間喺主餐牌內揀咗客老壇酸菜魚，另外再加咗碟萵筍絲同半隻霸王雞。
涼拌萵筍絲 ($38) 率先送上，碟頭不大，但味道很不錯，色澤青綠，切成絲，入口爽脆無渣，清新開胃。
押上店名的鼎泰老壇酸菜魚 ($138) 接著上桌，成品份量十足，而且用料亦沒有將貨就價，烹調用心。酸菜魚採用新鮮生魚，魚肉不易散開，入口鮮嫩不腥。至於酸菜味道亦恰好，咬下爽脆，帶點清新酸味。配菜還有大豆芽和水晶粉，水晶粉彈牙煙韌，吸湯力一流！
蔥油霸王雞 ($98) 好耐無食過蔥油雞，雖然只係點咗半隻，但係份量絕不欺場，而且上檯時更傳來陣陣蔥油香，相當吸引！雞肉食落好嫩滑，雞味濃郁，而且雞皮無多餘嘅脂肪，配埋面頭的蔥花和芝麻粒品嚐，惹味得令人吃不停口。
有餸又點可以無飯配襯，本來想點客江南砂鍋菜飯，但後來發現原來下午茶餐嘅炒飯更加抵食，只是四十幾蚊，所以揀咗碟欖菜肉鬆炒飯 ($49)。送上時香噴噴，飯炒得粒粒分明，配上欖菜，十分惹味。
意猶未盡，最後加咗客一口粒粒西多士 ($28) 做甜品，麵包一份有 9 粒，切到像麻將大小，沾蛋漿去炸，外型小巧的骰，入口外脆內軟，配牛油及煉奶趁熱吃，味道一流！
下午茶餐送熱飲，點凍飲亦只須 +$3，非常經濟。
順帶一提，餐廳不設加一服務費，而且還免茶芥，待限聚令放寬，一定會多約幾個朋友再嚟幫襯。
张贴
