南苑海鮮酒家

🐠元朗楊氏烏頭：烏頭魚都好巨型，一條魚仲有兩種味道可以試到，好特別🤩 一半係鹹檸檬，一半係豉汁，兩種味道都好唔錯👍🏼 但係最令我驚喜嘅係檸檬嗰部分，味道非常清爽，加埋魚肉嘅肉質鮮嫩，入口即化！

🦞芝士龍蝦伊麵：最鍾意就係佢哋奶香味十足嘅芝士龍蝦伊麵🤤 龍蝦都好新鮮，鮮香味十足，配埋吸晒芝士味嘅伊麵，一啖咬落去超滿足🥰

🍲海鮮豬骨煲：我哋仲點咗佢哋嘅招牌海鮮豬骨煲，份量超級巨型！我哋四個人都食唔晒呢一煲😳 除咗沙巴龍躉之外，仲有各式各樣嘅新鮮海鮮例如蝦，蜆，蟹，扇貝等等，件件都好新鮮💯 湯底亦都係非常鮮甜，煮到後面嘅粟米都特別好食，非常入味！

🥗臘味炒芥蘭：港式經典粵菜之一🙌 芥蘭嘅清香爽脆，加埋臘肉嘅鹹香，呢對神仙組合簡直就係送飯神器😘