南越牛肉粉 (已結業)

話說呢間嘅蕃茄湯底係我最喜歡嘅，湯頭真係好甜，同埋會有幾件紅蘿蔔食下，雖然要加幾蚊，感覺都係抵食嘅。我喜歡食鴛鴦孖寶，其實即係炸雞翼同埋炸豬扒，鍾意佢哋新鮮熱辣，不過有時都會失手，今次個豬扒同雞翼都好乾，一啲肉汁都冇，咬落去口感都唔太好。同事就要左個撈粉，佢話果汁唔錯，酸酸辣辣，夠晒開胃，不過食完就超級口渴，應該好重味精？食完啲咁熱氣嘅嘢，所以梗係最好叫番杯冰凍嘅飲品，最可以代表越南菜嘅三色冰，我自己覺得，椰汁夠濃郁，三色粉條正宗。