影片
更多
2021-06-10
66 浏览
人人都話馬鞍山係美食沙漠，咁啱有朋友帶路食平靚正西餐，一於就試試佢先😜一入到去，覺得個環境都幾好，座位闊落，而且枱面又唔會痴立立，加分！我地一行三人，各自都order左一個午餐，每個餐都係$5x-6x咋，好抵！首先，午餐係會跟埋餐湯+餐包+飲品。餐湯有龍蝦湯同埋蕃茄湯飲，個人比較鐘意龍蝦湯，因為飲落好濃好creamy，飲落有蝦膏嘅鮮味，配埋烤到脆卜卜嘅餐包一齊食超正！另外，主餐方面我地分別試下BBQ手撕豬漢堡、安格斯雜菇芝士漢堡同埋紅酒汁美國西冷牛扒配意粉。BBQ手撕豬漢堡食落酸酸甜甜，個汁嘅味道幾似蕃茄汁，食埋好開胃！安格斯雜菇芝士漢堡超正，安格斯扒超厚又多味，雜菇又用牛油炒，炒到啲菇味勁出，十分推薦！最後紅酒汁西冷牛扒意粉個汁同個牛好夾，而且好有牛味，大件夾抵食，勁大碟意粉，不過我覺得如果啲汁多返少少會再好啲🙈🙈我地另外再加配左雞翼同埋甜品，雞翼好juice同香口，+$16就有3隻勁抵！另外甜品就+$12就可以試到喇，我地分別試左檸檬/士多啤梨芝士蛋糕，味道水準在線，大家可以試試！👍🏻最後飲品我地點左ice cream soda同埋passion fruit mojito，簡直係為
一入到去，覺得個環境都幾好，座位闊落，而且枱面又唔會痴立立，加分！
我地一行三人，各自都order左一個午餐，每個餐都係$5x-6x咋，好抵！
首先，午餐係會跟埋餐湯+餐包+飲品。餐湯有龍蝦湯同埋蕃茄湯飲，個人比較鐘意龍蝦湯，因為飲落好濃好creamy，飲落有蝦膏嘅鮮味，配埋烤到脆卜卜嘅餐包一齊食超正！
另外，主餐方面我地分別試下BBQ手撕豬漢堡、安格斯雜菇芝士漢堡同埋紅酒汁美國西冷牛扒配意粉。
BBQ手撕豬漢堡食落酸酸甜甜，個汁嘅味道幾似蕃茄汁，食埋好開胃！
安格斯雜菇芝士漢堡超正，安格斯扒超厚又多味，雜菇又用牛油炒，炒到啲菇味勁出，十分推薦！
最後紅酒汁西冷牛扒意粉個汁同個牛好夾，而且好有牛味，大件夾抵食，勁大碟意粉，不過我覺得如果啲汁多返少少會再好啲🙈🙈
我地另外再加配左雞翼同埋甜品，雞翼好juice同香口，+$16就有3隻勁抵！另外甜品就+$12就可以試到喇，我地分別試左檸檬/士多啤梨芝士蛋糕，味道水準在線，大家可以試試！👍🏻
最後飲品我地點左ice cream soda同埋passion fruit mojito，簡直係為我地餐飯錦上添花！
张贴
