霸皇餐

最近係長沙灣新開左呢間小店，離地鐵站大約5分鐘既路程，老闆一腳踢，見到都多人幫襯就試下。今次試左咸牛肉蛋治，$23連一杯野飲，即叫即做。
份量大大份，牛肉就冇咩特別都係罐頭咸牛肉質素，炒蛋熟度控制得幾好，而且好厚身，每食一啖都咬到大量蛋。唯一可以改善既係，老闆整完份三文治會立即放入一個密實既三文治盒到，望落去靚靚仔仔，但因為係外賣店，唔能夠即刻食，拎到返屋企個陣水蒸氣會搞到個包濕濕淰淰；另外見到老闆收完錢之後掂麵包其實都驚驚地，就算唔關covid事都始終唔係太衛生，希望可以改善到呢個問題！