瀧(日韓越) (已結業)

鯉魚門廣場食肆既「瀧」✨，主打日本🇯🇵、韓國🇰🇷、越南🇻🇳既美食，食物款式多樣化，總有一款啱你選擇。三文魚🍣角切飯 $61三文魚肥大肉厚夠新鮮，角切三文魚份量夠多，每粒三文魚大細適中，油脂分布平均，加埋配菜例如甜蛋、黃瓜等等，十分好味😋。人參雞髀🍗湯$48大大隻原隻雞髀，人參湯既人參味唔算重，剛剛好，而雞髀肉質仍然保持嫩滑，加埋其他配料例如栗子🌰，好味又保身。韓式野菜卷$42野菜卷有泡菜、黃瓜、青瓜等等豐富涵料，有層次既口感，而且份量夠大卷，一條都已經飽曬。忌廉蟹肉餅$18一份三件忌廉蟹肉餅，外皮炸得香脆而不油膩👍🏻，裡面忌廉蟹肉夠曬juicy，整體十分好味😋。