影片
更多
2018-07-05
611 浏览
好難得先可以約到兩個姊妹出嚟一聚，想品嚐到美食，又好想坐得舒服，飲被嘢同傾下偈。觀塘大家淨係諗到apm，但啲嘢食又貴又冇位，於是上網一查，發現呢一間 板上。我哋去到嘅時候六點，不過已經有客人喺度食緊飯 ，我哋嗌嘢食嘅時候發現呢度嘅價錢一啲都唔貴 ，仲唔洗收加一。最驚喜嘅係我哋發現原來下午茶時段係去到六點半㗎，咁我哋又可以用一個更加平嘅價錢去享用晚餐啦！我哋嗌咗一個鰻魚珍珠飯、一個安格斯牛肉漢堡、一個煙三文魚pizza 、兩塊薯餅、三個蛋糕，仲有三杯嘢飲，都唔駛三百蚊！ 分量都幾多，夠曬我哋三個人食，真心超抵呀！鰻魚幾香滑，飯入面有啲雞蛋絲，再加埋鹹甜適中嘅燒汁，配搭得幾好。安格斯牛肉漢堡超級大個， 旁邊仲有薯角添 ，如果係一個人食呢一定好飽 。入邊嘅牛肉呢唔會煎得太老，配埋融化嘅芝士食落有一種好幸福嘅感覺。pizza係薄底嘅，已經幫你砌好咗㗎啦，每一角上面都有一塊煙三文魚同菠菜，脆卜卜㗎！我地分別食tiramisu同朱古力蛋糕。朱古力好rich ，又唔會太細，食完個甜品之後，呢成餐飯就完滿啦！除咗嘢食好味之外，環境非常舒服。我哋坐咗三個幾鐘先走，慢慢食慢慢傾都無人趕，而且周圍唔太嘈。一
好難得先可以約到兩個姊妹出嚟一聚，想品嚐到美食，又好想坐得舒服，飲被嘢同傾下偈。觀塘大家淨係諗到apm，但啲嘢食又貴又冇位，於是上網一查，發現呢一間 板上。
我哋去到嘅時候六點，不過已經有客人喺度食緊飯 ，我哋嗌嘢食嘅時候發現呢度嘅價錢一啲都唔貴 ，仲唔洗收加一。最驚喜嘅係我哋發現原來下午茶時段係去到六點半㗎，咁我哋又可以用一個更加平嘅價錢去享用晚餐啦！
我哋嗌咗一個鰻魚珍珠飯、一個安格斯牛肉漢堡、一個煙三文魚pizza 、兩塊薯餅、三個蛋糕，仲有三杯嘢飲，都唔駛三百蚊！ 分量都幾多，夠曬我哋三個人食，真心超抵呀！
鰻魚幾香滑，飯入面有啲雞蛋絲，再加埋鹹甜適中嘅燒汁，配搭得幾好。
安格斯牛肉漢堡超級大個， 旁邊仲有薯角添 ，如果係一個人食呢一定好飽 。入邊嘅牛肉呢唔會煎得太老，配埋融化嘅芝士食落有一種好幸福嘅感覺。
pizza係薄底嘅，已經幫你砌好咗㗎啦，每一角上面都有一塊煙三文魚同菠菜，脆卜卜㗎！
我地分別食tiramisu同朱古力蛋糕。朱古力好rich ，又唔會太細，食完個甜品之後，呢成餐飯就完滿啦！
除咗嘢食好味之外，環境非常舒服。我哋坐咗三個幾鐘先走，慢慢食慢慢傾都無人趕，而且周圍唔太嘈。一個人嚟嘅就可以用嗰度嘅wi-fi上下網，做下嘢。幾多friend嚟呢就可以喺嗰度飲下啤酒，睇下波。嗰度絕對係一個消磨時間嘅好地方。
张贴
