堡殿 (已結業)

行完街見到間平平地又幾特別既漢堡包就試下🍔雖然個地點唔近地鐵站🚉但勝在價錢比較平🤫全部食物都係即叫即整，熱辣辣上枱甘栗紫薯餅個外皮炸到好脆但唔會好厚炸粉，紫薯蓉中間有啲甘栗粒，有啲咬口，甘栗同紫薯又好夾，好食😋黑松露磨菇煙肉白汁意粉🍝白汁稀杰度岩岩好，唔會太水/太杰，黑松露愛好者表示如果黑松露味再多少少就更好😆蜜桃芝士脆蝦漢堡🍔個包好大好足料，蕃茄 蜜桃 芝士 蝦餅 菜 醬汁，所以最後我要拆開佢黎食，口唔夠大😂配埋粗薯條成個餐先$45，+$7仲有埋汽水🥤仲抵過食老m🤫