生記滷味

营业中

休息中

琴日同朋友去何文田搵食 行行下發現左有間專食滷味既鋪頭就諗住試下。 一埋位就黎左碗例湯，係蘿蔔瘦肉湯。蘿蔔清甜冇渣又好淋，冇牙都食到! 入面滷味都多選擇，又有得淨揀雞飯，鴨飯38蚊同鵝飯50蚊雙拼加兩蚊。又有豬頭肉豬脷d平時少見既餸揀都幾抵食。我叫左個鴨拼豬脷飯，朋友叫左個鵝拼豬頸肉飯，豬脷比想像中硬，要咬耐d。但朋友食過覺得好食過平時d牛脷，佢話之前試過牛脷接受唔到，今次覺得豬脷幾好食。 鴨就普通水準，不過不失。 反而鵝就真係出色，雖然d皮厚左小小，帶點油膩，但肉質結實。整體黎講中意食滷味既人下次可以試鵝同豬脷。