薩莉亞意式餐廳 (已結業)

上星期有晚朋友約左我去將軍澳食飯, 佢話帶我去食一間日底既意大利式餐廳WOR, 咁就去試下啦.嘩..我去到門口...見到好多人~坐底左, 朋友負責點野食~第一樣黎既係粟米忌廉湯,個湯好好飲呀, 賣相又好, 飲過咁耐最好飲既忌廉湯, 好CREAMY~之後呢就輪到北海甜蝦沙律, 20幾蚊, 好大碟, D 菜好新鮮, 甜蝦又多~抵啦~個沙律有甜蝦, 生菜, 青瓜等, 佢既沙律醬係自己整既添~蝦有成10幾20隻, 新鮮彈牙~佢隻甜蝦同平時日本既唔同~之後就黎左個吞拿魚蕃茄比蕯, 大大個30蚊, 吞拿魚同芝士落足料PIZZA食落好軟熟~比平時既PIZZA HUT 好食好多~!!!