台灣麵 (已結業)

近排出街食得太多西餐，今日好想食返d簡單野，就同同事去左呢間台灣麵食lunch～Lunch set夾夾埋埋有成20款選擇，每款大概$60，小炒客飯類仲要做緊8折，好抵食！不過我都係鍾情湯麵多d～叫左個紅燒牛肉麵 ($62)，跟餐包前菜 (涼拌腐皮絲) 同飲品，轉台式飲品都只係+$4，就叫左杯香芋奶茶❤紅燒牛肉麵嘅份量超多，有成5~6舊牛肉，炆得好入味，口感亦腍滑；湯底小辣幾惹味，唔知係咪加左辣油，感覺面頭有浸油咁，不過又唔算好膩；麵底方面我轉左新竹米粉，更加能掛湯😋香芋奶茶我叫左少甜，個味道好啱我心水，唔太甜有芋頭香味，濃稠度亦適中，唔會好似溝左水咁～同事個三杯雞色水都幾靚～