水門雞飯 (西九匯)

营业中

休息中

呢日同男朋友去左佢屋企附近呢間泰式小店。點咗幾樣招牌菜，幾有驚喜。首先係泰式船粉，呢碗船粉一上枱就聞到陣陣香草味，味道幾正宗，魚蛋同魚片都幾彈牙，正。另外，一定要點佢嘅招牌水門雞飯，呢個海南雞飯真係有驚喜！雞肉滑溜溜，冇雪藏味，仲有少少雞油香。飯煮得啱啱好，帶少少油香同蒜味，配埋嗰碟辣椒醬，真係一流。小食方面，點咗脆炸香茅雞翼，雞翼炸得金黃色，外皮脆到會喀喀聲，咬落仲有陣陣香茅味，中間啲肉都唔會太乾，算係幾好食。中另外仲有馬拉盞西蘭花炒魷魚鬚，佢做得幾好嘅係唔會太油膩同重口味，啱晒香港人。