六丸(居食屋)日本料理 (已結業)

相信好多人行旺角都一定會見過呢間鋪，一間開得算係比較耐嘅日本餐廳，價錢經濟抵食，以前學生時期都有過黎食日本野，而家一於再黎食下😆今次叫左胡麻豆腐沙律($42)、三文魚刺身(十切)(半價優惠$45, 原價$90)、炸芝士年糕($32)、唐揚九州池魚仔($58)、燒三文魚皮($38)、鐵板牛油雜菌($38)、鹽燒大蝦(1隻)($20)*2、六丸地獄海鮮拉麵($83)裝修比較簡單三文魚刺身：惠顧滿$150就可以半價優惠叫黎食，食落都幾肥美，好抵食😍胡麻豆腐沙律：大大碟，D沙律菜幾清爽，胡麻醬份量啱啱好👍🏻炸芝士年糕：炸得外脆內軟，芝士味幾香，仲可以拉下絲👍🏻唐揚九州池魚仔：份量勁多，食極都食唔完咁😂勁香口嘅一道小食，香脆滋味，唧D檸檬汁再點沙律醬食😉燒三文魚皮：上碟已經聞到燒得好魚，魚皮燒得卜卜脆，唧D檸檬汁令個味道更鮮鐵板牛油雜菌：鐵板上熱辣辣，D菇吸滿晒牛油，食落幾滋味😋鹽燒大蝦：呢個有驚喜，無諗過個大蝦咁大隻，成個手掌咁長，超級抵食🤩蝦肉食落彈牙鮮甜，燒得好香，勁正🤤六丸地獄海鮮拉麵：因為朋友唔食辣嘅關係，所以將佢轉為豬骨湯底，同埋呢碗可以改選做稻庭烏冬。裡面有帆立貝、大蝦、青口、溏心