平民扒房@友蠔食 (已搬遷) 新店位置

先上南瓜湯。湯入面有南瓜蓉，飲落更有口感。加上少許香葉，令個湯好香。同朋友一人一份扒。朋友叫左「巴西牛柳」，我就叫左「美國牛板腱」。我地share黎食，比較兩隻扒，我覺得牛板腱肉質較煙韌、牛柳較腍。牛板腱牛味比牛柳較濃郁。呢度食扒嘅食法好特別。有兩塊鐵板：一塊室溫，一塊係燒熱左，比你擺份扒上去燒，唔使同店員講要幾成熟，自己鍾意燒幾耐就燒幾耐，悉隨尊便。除左肉之外都有配菜，包括：白灼西蘭花、紅蘿蔔、粟米、生蕃茄仔同埋薯蓉。另外重有醬汁洋蔥汁同埋黑椒汁比你揀。我覺得塊扒本身已經好夠味，唔使額外再點醬汁。兩塊扒都用左蒜蓉黎烹調，聞落好香，食入口更香！食完扒，點番杯野飲清清味蕾。揀左石榴特飲，飲落清新，正好用來解膩！最後講講餐廳環境。裝橫頗見心思。用黎隔住樓面同廚房嘅窗簾印上英倫街景嘅圖案，餐廳重播放住英文歌，令人有種置身外國嘆扒嘅感覺。