藝 ‧ 文食館 (已結業)

約朋友一起午飯，揀左呢間藝。文食館。個餐牌咁熟口面嘅？原來係菓一道旗下餐廳，呢間餐廳我N年前已經食過，無論係尖東店，定抑或是沙田店，都係一個字形容：「淡」。因為餐廳標榜健康，所以食物調味唔會太重。今日同朋友食左2個set lunch，另有素食餐牌不過我地冇揀。我的鮮茄蓉白菌汁龍脷柳配有機糙米飯（$65，另加一）+是日餐湯望落淡淡的，食落也是淡淡的。當然，食得健康又無妨，只要你唔嫌食味偏淡就可以了。朋友的蒔蘿香草白汁帶子蜆肉炒意大利麵（$68，另加一）+是日餐湯望落還可以，朋友都覺得OK，難得有呢個地方可以食得清清地，又可以傾下計，都算唔錯啦。